دايما البدايات بتكون ضعيفه وواحدة وواحد التحسن بيبان; إنما في حالة مصطفى مرسال. التألق كان باين من اول تعاملي معاه وقلت مصطفى اكيد هيكون حاجة كبيرة مش بس في مجاله (البرمجة) لا هو كمان بيتوسع عشان يكون مبرمج ومونتير ومصمم جرافيك بروفيشينال.. بالإضافة لروح القيادة اللي بيتمتع بيها. عشان يعلم غيره من العلم اللي ربنا اداهوله. مبسوط اني اتعامل معاك وبالتوفيق دايمًا.

Eng.Amr Helmi

Senior Graphic Designer

مصطفى اول ما جالي الشركه سبورتكس انا لمست فيه حاجتين مهمين الحاجه الاولي ان انا حسيت ان هو انسان شغوف للتعلم وبيستمع لاراء الاخرين ومستوى ادراكه سريع بيتعلم الحاجات بسرعه واهم نقطه ثانيه فيه ان هو متقن لعمله الحاجه اللي بيشتغل عليها بيتقنها وبيطور فيها وهو مثال جيد للشخص اللي هيطور في حياته العمليه ان شاء الله يا مصطفى تحقق كل اللي انت نفسك فيه

Eng.Waled Kory

Spora Tex CEO

انت حقيقى شخص موهوب وشاطر وملتزم , وعارف انت بتعمل ايه وبتنجز جدًا فى شغلك ،ماشاء الله تبارك الله, وبتقدر تفهم عميلك وتعمل الشغل الخاص بيه هو مش حد تاني💪🏻.,ملتزم واخلاقك بين زمايلك جميلة ومحترم ومؤدب, وبجد مبسوطه انى اتعرفت عليك يامصطفى ،انك معانا فى الشركة. ,واتمنالك كل الخير والنجاح وان يرزقك الله فوق ما تتمنى يااااارب🌷🌷

Coach. Amira Huessein

Life Coach / Qudraat CEO

تلميذي النجيب 😂💙, ما شاء الله عليك يمصطفي مبسوطه بيك جدا وبطريقه تفكيرك ودماغك ما شاءالله حد شاطر جدا وبيتفوق علي نفسه وبيسعي فعلا انه يطور من نفسه وده اهم حاجه, ربنا يوفقك دايما ويحققلك اكتر مما تتمني ولا يخيب الله مسعاك دايما💙

Eng.Nermeen Elgebaly

Senior Product Designer

أنت عارف فعلا أنا قد ايه بحب شغلك وبيعجبني , و عارف فعلا أنا قد ايه بحب شغلك وبيعجبني فعلا فعلا حلو قوي, وأنت شخصية مريحة في التعامل, وبتعمل الفكرة اللي في دماغي بالضبط, وبتعبك معايا وانت فعلا بتستحمل

Dr. Kholud Yacoub

PhD in Persian Language & CAS Director - Cairo University

احلي فنان اخلاق واحترام قبل اي حاجه. شاطر ومجتهد وديما عاوز تطور من نفسك وفعلا حققت نجاح وانت لسه ف درستك وباذن الله يامصطفي هنشوفك قريب جدًا شخصيه مأثره ع اللي حواليك, ربنا يوفقك ومن نجاح لنجاح ديما يادرش

Eng.Nashaat Mohamed

Q.S.P CEO

ماشاء الله بتسعي وشغلك عظيم جدًا ومجتهد

AbdulHai Gamal(Rasco)

CEO & Founder Of Rascoda

شغل جميل اوي ي مرسال ما شاء الله ♥️, عجبني اوي تصميمات المدرسين♥️, شاطر جدا ومجتهد في اكتر من مجال وثابت نفسك وشغلك فيهم ربنا يوفقك ي حبيبي ♥️👏

Mohamed Zahra

Egyptian ambulance IT Manger

حابب اقولك يا مصطفي انك من اشطر الناس اللي شغلها ييتكلم عن نفسه في كل حاجه الالوان / طريقة اختيار الصور وتركيبها في خدمة المحتوي من الناس اللي عندها ذوق في التصميم 🔥🔥

Eng.Eslam Korayem

Fly Media CEO

المبدع الخلوق والمكافح مصطفي مرسال 💐, أشطر مصمم مواقع ومبرمج 🤩 كل موقع بتصممه بيكون عبارة عن لوحة فنية 🎨 مليانة بالأفكار والمشاعر 🎭,استمر كمل مشوارك وبجد أنت, مشروع فنان وكل شغل بتعمله بصمتك ورقيك باين جدا فيه 🌼, بتمنالك كل الخير والتوفيق 🙏🏻

Dr.Haya Hisham

Professor of Persian Language - Cairo University

المبدع مصطفي مرسال محترف الجرافيك والبرمجة والمونتاج, شكراً على مجهودك المتميز وإبداعك في تصاميمك الإحترافية والمونتاج العالي جدا. وكمان الدقه و سرعة التنفيذ عندك ، وأفكارك المبتكرة اللي بتضيف قيمة حقيقية لكل مشروع. بجد التعامل معك بيضمن نتايج تفوق التوقعات.

Mr. Ahmed Sallam

Financial and Tax Advisor

بصراحه والله وبدون مجامله انتا مثال للاجتهاد والالتزام, وشغلك ماشاء الله والله العظيم بدون مجامله حاجه محترمه جدا ربنا يباركلك ويسعدك يارب دايما

Mr.Abdelfattah Ali

Chemistry Teacher at Madrasetna